Fréttir

Matgæðingar vikunnar í tbl. 41, 2025, voru Frímann Viktor Sigurðsson og Ditte Clausen í Varmahlíð og eiga þau saman þrjú börn, tvo stráka og eina stelpu. Frímann er uppalinn á Sauðárkróki og er sonur Elvu Bjarkar Guðmundsdóttur og Sigurðar Emilssonar. Ditte Clausen er aldanskur Skagfirðingur. Frímann vinnur í Hofsstaðaseli og Ditte er ráðunautur hjá Ráðgjafarmiðstöð landbúnaðarins.

Ársþing Samtaka sveitarfélaga á Norðurlandi vestra var haldið á Hótel Laugarbakka nú á miðvikudaginn. Þar fór meðal annars fram afhending Byggðagleraugnanna 2026 en handhafar þeirra eru tvö fyrirtæki á Norðurlandi vestra, Borealis Data Center á Blönduósi og FISK Seafood á Sauðárkróki. „Bæði fyrirtækin hafa sýnt, hvort með sínum hætti, hvernig atvinnulíf getur stutt við jákvæða byggðaþróun og eflt samfélög í landshlutanum,“ segir í frétt á vef SSNV.

Í gamla bænum á Blönduósi stendur nú yfir sýning sem hvetur gesti til að staldra við og velta fyrir sér því sem er bæði kunnuglegt og oft gleymist. List á pappír, sem er í Hillebrandtshúsi dagana 10.–19. apríl, sameinar listamenn sem vinna með eitt elsta og einfaldasta efni sem við þekkjum: pappír.

Sveitarfélagið Skagaströnd hlaut nýverið styrk frá EBÍ til þess að hanna og setja upp útilistaverk á Skagaströnd. Verkið ber yfirskriftina Þar sem hafið mætir hjartanu. Í styrkumsókninni kemur fram að lagt sé upp með að setja upp aðgengilegt útilistaverk sem sameinar náttúruleg efni úr umhverfinu og form sem vísar bæði til öldunnar og hjartsláttar.

Lið Tindastóls féll úr leik í úrsitakeppnin Bónus deildar kvenna í körfubolta í gærkvöld eftir að lið Njarðvíkur stal sigrinum á lokasekúndunni. Víti sem fór óvart niður hjá liði Tindastóls skipti sköpum og Njarðvíkingar nýttu sér færið sem það, að leikurinn stöðvaðist þegar 1,2 sekúnda var eftir. gaf þeim. Úrslitin voru mikil vonbrigði fyrir Stólastúlkur, þjálfarateymið og stuðningsmenn liðsins. Feykir heyrði í Israel Martin þjálfara nú fyrir hádegi og byrjaði á að spyrja hvað sé hægt að segja eftir svona leik.

Hin skagfirsk ættaða Hulda Jónasdóttir hefur á síðustu árum staðið fyrir ýmsum tónlistar viðburðum sem notið hafa vinsælda. Fyrir síðustu jól stóð hún fyrir tónleikum í Norðurljósasal Hörpu þar sem flutt voru jólalög Geirmundar Valtýssonar við góðan orðstír. Nýjasta verkefnið er dagskrá þar sem flutt eru lög og textar Jóns Múla og Jónasar Árnasona.

Eins og margir vita hefur Silfrastaðakirkja dvalið á Sauðárkróki síðan haustið 2021 og er orðin eitt af kennileitum bæjarins þar sem hún stendur norðan við trésmiðjuna Ýr. En það góða fyrirtæki hefur haft veg og vanda af viðgerðum á kirkjunni. Núna hillir undir að þetta guðshús geti lagt af stað heim til sín aftur.

Dagana 16.–18. apríl 2026 heimsækir Háskólalestin Sauðárkrók og býður nemendum, kennurum og íbúum Skagafjarðar upp á fjölbreytta og lifandi dagskrá og kynnir undur vísindanna á lifandi og skemmtilegan hátt. Háskólalestin ferðast árlega um landið með það að markmiði að gera vísindi og nám aðgengileg og spennandi fyrir fólk á öllum aldri, um leið og tengsl Háskóla Íslands við landsbyggðina eru efld.

Nú styttist í sveitastjórnarkosningar mörgum til mikillar gleði en öðrum ekki. Tilvonandi sveitastjórnarfulltrúar fara sjálfsagt að hugsa sér til meiri hreyfings með kynningu á stefnu og málefnum. Ekki þarf að efast um að loforðaflaumurinn verður mikill eins og endranær.

Körfuboltaguðirnir voru grimmir við Stólastúlkur í gærkvöldi þegar þeir aðstoðuðu lið Njarðvíkur við að stela sigrinum út greipum stúlknanna hans Israel Martín sem áttu sannarlega ekki skilið að tapa. Frammistaða liðsins var nefnilega frábær þrátt fyrir að okkar besta Marta hafi sennilega hitt á sinn versta leik í vetur. Fáránleg flautukarfa Brittany Dinkins á lokasekúndubrotinu batt enda á ævintýri Stólastúlkna í vetur. Lokatölur 88-87.